Arrestimin e drejtorit të IT në Policinë e Shtetit, Ervin Muça, deputeti i PD, Ervin Salianji e cilëson si rezultatin e parë të komisionit hetimor për të dhënat e TIMS, i cili drejtohet prej tij.
Nëpërmjet një postimi në rrjetet sociale, Salianji shkruan se arrestimi i tij konfirmoi gjithashtu edhe denoncimet e vazhdueshme të bëra nga opozita.
Demokrati thekson se Ervin Muça, ishte emri i parë në listën e dëshmitarëve në komisionin hetimor.
Reagimi i plotë:
Arrestimi i Drejtorit të IT në policinë e shtetit, dëshmitari i parë i listuar në planin paraprak të hetimeve të Komisionit Hetimor, Ervin Muça, është rezultat i parë i punës së Komisionit Hetimor për të dhënat e TIMS dhe konfirmim i denoncimeve të vazhdueshme të opozitës! Mohimi i Edi Ramës për shqetësimin e ambasadës së ShBA për ndërhyrjen në sistemin TIMS, nxjerr zbuluar urdhëruesit e këtij akti! Ndërhyrja ka qënë me urdhër dhe për qellime qartësisht kriminale! Arrestimi i sotëm i vonuar nuk e shmang dot përballjen e Ervin Muçës dhe çdo shkelësi tjetër për tu përballur me drejtësinë por dhe me dëshminë në komision, për një akt që cënon në thelb sigurinë kombëtare! Ky është i pari, ne do ti shkojmë deri në fund hetimit parlamentar, për të hedhur dritë sidomos mbi urdheruesit e ketij krimi. Uroj që arrestimi mos jetë truk për të penguar hetimin e plotë dhe nxjerrjen para përgjegjësisë së urdhëruesve, shkelësve të ligjit dhë krimineleve përfitues nga ky akt!
