Arlind Ajeti është dëmtuar gjatë seancës së paradites, të hënën me Torinon. Mbrojtësi shqiptar u lëndua në kofshën e djathtë, sipas njoftimit të klubit italian.
Pritet që 22-vjeçari t’i nënshtrohet kontrolleve të mëtejshme, për të përcaktuar shkallën e dëmtimit. Arlind Ajeti ka patur probleme fizike gjatë ditëve të fundit dhe kjo e shtrëngoi trajnerin Sinisha Mihajloviç mos ta përfshinte në takimin e javës së parë të Serisë A me Milanin.
Ky lëndim i Ajetit është një problem për Kombëtaren që më 5 Shtator nis fushatën kualifikuese të Kupës së Botës 2018, me takimin me Maqedoninë.
Tv Klan
