Kjo është java vendimtare për Shqipërinë dhe Maqedoninë e Veriut pasi do të përcaktohet edhe fati i çeljes së negociatave. Ditën e sotme ministrat e vendeve anëtare do të takohen në Bruksel ndërsa të premten liderët e vendeve do të marrin vendimin përfundimtar i cili mesa duke do të përcaktojë edhe qasjen e unionit për zgjerimin.
Teksa zërat skeptikë tashmë janë bërë të njohur, Shqipëria ka marrë mbështetjen e eurodeputetes Alba Kokalari.
Në një status së Facebook, ajo mbështet hapjen e negociatave me Shqipërinë por nënvizon se më pas duhet ushtruar presion qeverive për të implementuar reformat demokratike.
Arba thekson se asnjë vend nuk mund të bëhet anëtar i BE pa rezultate në luftën kundër korrupsionit dhe fuqizimin e rendit ligjor.
Statusi i Arba Kokalarit
Zgjerimi i Bashkimit Europian ka qenë një nga projektet më të suksesshme. Ish-vendet komuniste të Evropës janë kthyer në vende me ekonomi të lirë, demokratike dhe natyrisht pjesë e Europës. Miliona njerëz kanë dalë nga varfëria.
Këtë javë ministrat e Bashkimit Europian do të takohen të vendosin në qoftë se BE do të hapë negociatat me Shqipërinë dhe Maqedoninë e Veriut. Mes të tjerash Franca ka nxjerrë pengesa, Suedia duhet të shtyje ministrat e BE të thonë ‘PO’ hapjes se negociatave me të dyja këto vende. Pastaj e domosdoshme është të ushtrohet presion nga qeveritë e këtyre vendeve të implementojnë reformat demokratike.
Asnjë vend nuk duhet të bëhet anëtar i BE pa implementuar demokracinë, luftën kundër korrupsionit dhe fuqizimin e ligjit (kriteret e Kopenhangenit). BE duhet të rrisë kërkesat për demokracinë dhe duhet të ketë limite të përcaktuar qartë për gjithë vendet e BE. Megjithatë BE duhet të ndihmojë vendet e Ballkanit që të ndihmojnë veten e tyre.
Me demokraci të stabilizuara ne Ballkan ne do të kemi një Europë me të sigurt. /Opinion.al
