Gjykata e Apelit Administrativ ju dha të drejtë 27 banorëve të lagjes Margegaj në Dragobi që kundërshtojnë një vendim të Këshillit Kombëtar të Territorit për ndërtimin e hidrocentralit “Dragobia”.
Siç thuhet zyrtarisht nga Gjykata e Apelit Administrativ, trupa gjyqësore shpalli sigurimin e padisë duke urdhëruar pezullimin e punimeve të HEC-it në Dragobi në Parkun Kombëtar të Valbonës derisa kjo çështje të zgjidhet në themel.
Më herët, banorët jo vetëm kanë kundërshtuar dhe paditur në gjykatë, por ata kanë protestuar në mbrojtje të Valbonës. Jo më larg se dje banorët bllokuan rrugën në shenje proteste. Ata thanë se nga shpërthimet u jane demtuar shtëpitë.
Më herët, banorët i humbën dy beteja në shkallën e parë administrative, fillimisht në pretendimin e tyre ku kërkohej pavlefshmëri e kontratatës për dy hidrocentralet “Dragobia” dhe “Cerem”. Në atë kohë, gjykata e shkallës së parë konsideroi të ligjshëm ndërtimin e HEC-eve duke mbështetur punimet.
Ndërsa tashmë Gjykata e Apelit urdhëron pezullimin e punimeve të hidrocentralit që po ndërtohej nga “GENER 2”.
