Aktualitet

Anulohen prokurimet publike, Basha i bën thirrje qeverisë për transparencë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:06 - 01/04/20 |
Al Do

Kreu i Partisë Demokratike, Lulzim Basha tha në një deklaratë për mediat se Agjencia e Prokurimeve Publike ka vendosur të anulojë procesin e prokurimeve dhe se ai në emër të opozitës e përshëndet këtë vendim.

Basha i bëri thirrje qeverisë që këtë vendim të APP ta kthejë në një vendim të qartë qeveritar. Sipas tij ky vendim i ka kuryer shqiptarëve 200 milionë euro.

“I kam kërkuar qeverisë të anulojë cdo procedurë prokurorimi që nuk lidhet me emergjencën e COVID -19. Sot mësuam, nga APP se qeveria ka vendosur anulimin e prokurorimeve, uroj të jetë një lajmiI vërtetë. Më mirë vonë se kurrë. I kërkoj qeverisë ta ktheje në vendim të qartë e të prerë. Sot emergjenca është menaxhimi i situatës mjekësore. Kërkesa e opozitës është kthyer në njoftim të APP, e shumë shpejt uroj të kthehet në vendim. Tenderat abuziv e të panevojshëm duhet të anulohen me vendim qeverisë. Por edhe ky njoftim është i mirëpritur. Ndonëse I vonuar e përshëndes këtë hap, nëse zbatohet do I kursejë shqiptarë 200 mln euro”, tha Basha.

Kreu i opozitës shtoi se ka dy kërkesa që pasojnë këtë vendim. Ai kërkoi që vendimi të zbatohet rregullisht dhe të ketë transparencë për cdo procedurë.

“Opozita kërkon transparencë totale në zbatimin e këtij vendimi. Do monitorojmë në mënyrë të përditshme që mos ketë asnjë hapsirë për abuzuesit. Cdo procedurë duhet të jetë transparente.

Transparenca do të mbetet fokusi ynë për të mbrojtur cdo qindarkë të taksapagueseve I cili duhet të shkojë në shërbim të shëndetësisë.”, u shpreh Basha. /Opinion.al

Pas