Mësuesit në Angli janë bërë pjesë e një protestë gjatë grevës për mosmarrëvshjen mbi pagat.
Shumica dërrmuese e tyre kanë refuzuar ofertën e pagave të sugjeruar nga qeveria britanike që synonte t’i jepte fund një sërë grevash përçarëse, tha sindikata e tyre.
Unioni Kombëtar i Arsimit, sindikata më e madhe e arsimit në Britani, tha se 98% e mësuesve që votuan, refuzuan ofertën e një pagese një herë në këtë vit prej 1,000 £ dhe një rritje mesatare të pagës prej 4,5% në vitin e ardhshëm.
Dhjetëra mijëra mësues në të gjithë Britaninë kanë marrë pjesë në greve, në kërkim të rritjes së çmimit të pagave dhe si rezultat kanë lënë klasat e shkollës bosh.
Sindikata tha se mësuesit do të vazhdojnë grevën edhe për dy ditë të tjera, më 27 prill dhe 2 maj. Ajo gjithashtu sinjalizoi se qeveria nuk ka ndërmend të negociojë më tej:
“Paga tani do të vendoset nga organi i pavarur i rishikimit të pagave, i cili do të rekomandojë rritje të pagave për vitin e ardhshëm.”
Qeveria britanike ka argumentuar se rritja më e lartë e pagave vetëm do të përkeqësonte inflacionin.
Sindikata më e madhe e mësuesve në Skoci ka pranuar gjithashtu një marrëveshje pagash për t’i dhënë fund grevave , për të cilat tha se do të arrinte në një rritje prej 14.6 % të pagave për shumicën e mësuesve deri në janar 2024./Opinion.al
