Angela Merkel do të kërkojë nga liderët politikë shqiptarë që të miratojnë me urgjencë reformën në drejtësi. Ky lajm jepet nga Top Channel, duke treguar më tej se rëndësia e kësaj reforme është e madhe jo vetëm për ne por edhe për ndërkombëtarët.
Duket surreal edhe për faktin se nuk citohet asnjë burim zyrtar apo konfidencial që tregon se nga vjen lajmi i Top-it. Gjithsesi pritet për tu parë se çfarë do të ndodhë ditën e hënë kur mund të takohen Rama-Basha.
Referuar sërish lajmit të Topi-t, thuhet se “njeriu më i besuar i Angela Merkelit për punët e jashtme dhe sigurisë, Kristof Heusgen do të telefonojë Bashën”.
Dhe si për ta përforcuar këtë, shpjegon se kush është Kristof Heusgen. “Eshtë ai që vepron gjithnjë në emër të Merkel kur ajo nuk preferon publicitetin, por që puna të jetë e kryer”.
Po sipas TOp Channel, “po ushtrohet presion i vazhdueshëm që të hënën të dilet me një “PO” nga takimi Rama-Basha”.
Asnjë ambasador apo titullar tjetër i huaj nuk ka vënë “gishtin” (deri tani) mbi një politikan apo subjekt politik që po pengon reformën. Eshtë thënë vetëm duhet miratuar reforma me shumicë votash.
Aktualisht mazhoranca dhe opozita kanë ndërprerë punën në komisionin e reformës, pasi PD doli me draftin e saj, duke kundërshtuar në shumë pika atë të PS-së.
