Presidenti Bajram Begaj, priti sot në Presidencë homologun e tij sllovak, Peter Pellegrini, ku në një konferencë për mediat, falenderoi Sllovakinë për mbështetjen e dhënë për procesin e integrimit të Shqipërisë drejt Bashkimit Evropian.
Ai theksoi se gjatë takimit u diskutua për rritjen dhe forcimin e bashkëpunimit ekonomik mes dy vendeve.
“Në bisedimet tona, vumë theksin në rritjen dhe zgjerimin e bashkëpunimit ekonomik dhe lidhjeve tregtare mes dy vendeve tona. Ka mundësi konkrete për të thelluar dhe forcuar më tej bashkëpunimin ekonomik dypalësh. Diskutuam gjithashtu për turizmin, ku Shqipëria gjatë vitit 2024 ishte një nga destinacionet më të rëndësishme. Po ashtu, diskutuam për fusha të tjera si bujqësia, mbrojtja e natyrës dhe arsimi”, tha Begaj.
I ndalur në integrimin e Shqipërisë në BE, Begaj u shpreh se vendi ynë synon të mbyllë negociatat me Bashkimin Evropian deri në vitin 2027, ndërsa anëtarësimi i plotë sipas tij pritet të realizohet deri në vitin 2030 dhe Sllovakia na ka ofruar asistencë dhe ekspertizë për proceset integruese të Shqipërisë.
“Në bisedimet tona, vumë theksin në rritjen dhe zgjerimin e bashkëpunimit ekonomik dhe lidhjeve tregtare mes dy vendeve tona. Ka mundësi konkrete për të thelluar dhe forcuar më tej bashkëpunimin ekonomik dypalësh. Diskutuam gjithashtu për turizmin, ku Shqipëria gjatë vitit 2024 ishte një nga destinacionet më të rëndësishme.
Po ashtu, diskutuam për fusha të tjera si bujqësia, mbrojtja e natyrës dhe arsimi. Një temë e rëndësishme e bisedimeve ishte edhe integrimi evropian, ku Sllovakia ka qenë një mbështetëse e fuqishme për zgjerimin e Bashkimit Evropian.
Sllovakia na ka ofruar asistencë dhe ekspertizë për proceset integruese të Shqipërisë drejt BE-së, dhe ne jemi mirënjohës për këtë mbështetje. Jemi optimistë për hapjen e të gjithë grupeve të kapitujve gjatë këtij viti, ndërsa synojmë të mbyllim negociatat me BE deri në vitin 2027. Po ashtu, jemi të bindur se do të arrijmë finalizimin e anëtarësimit të plotë të Shqipërisë në Bashkimin Evropian deri në vitin 2030”, tha Begaj.
