Kryesore

Anëtarësimi i Shqipërisë në BE, Balla fton opozitën për bashkëpunim



Bëhu pjesë e Grupit Zyrtar të Opinion.al
>> KËTU <<
               Publikuar në : 17:23 - 21/07/22 |
Opi Nion

Nga foltorja e Parlamentit, kryetari i grupit parlamentar të PS, Taulant Balla ka ftuar opozitën që të bashkëpunojë për procesin e anëtarësimit të Shqipërisë në Bashkimin Europian.

“Shumë të gatshëm për të hapur një debat për integrimit. Të gatshëm të fillojmë prej 6 shtatorit punën për ndryshimin e ligjit për rolin e Kuvendit të Shqipërisë në procesin e anëtarësimit të Shqipërisë në BE. Jemi në fazë tjetër. Ajo që besoj që ka konsensusin e plotë publik në Shqipëri është nevoja që të bëhemi bashkë për ta përfunduar këtë proces. Dua të nënvizoj dy elementë. Macron propozon komunitet të ri politik që nuk është zhvendosje nga procesit i anëtarësimit por një afrim i shpejtë i vendeve të Ballkanit Perëndimor për çështjet e politikës së jashtme ndërsa kancelari Scholz që është më optimist për anëtarësimin e Ballkanit Perëndimor për një kohë 4-5 vjeçare. Qofshin të dyja të vërteta e të mundshme, ajo që na takon ne, duhet ta bëjmë”, tha Balla.

Gjithashtu, Balla shprehu keqardhje për mungesën e opozitës në ngritjen e flamurit të BE para kryeministrisë.

“Teksa bisedoja me një diplomat të rëndësishëm në Tiranë para godinës së Bashkimit Europian ajo që më tha dhe që dua ta citoj në thonjëza është: “opozita shqiptare mungon kur e ftojnë dhe ankohet kur nuk e ftojnë”. Ne do kishim shumë dëshirë që drejtuesit e komisioneve dhe grupit parlamentar të PD të ishin bashkë me ne në atë moment të ngritjes së flamurit të BE në godinën e ekzekutivit. Edhe ne duhet që në seancën më të parë brenda Kuvendit ku ndodhet flamuri ynë kombëtar të vendosim flamurin e BE. Se jemi në atë fazë të procesit ku çdo shqiptar duhet të ndihet evropian”,-tha Balla./Opinion.al

Pas