Andi Lila ka gjetur magjistaren e tij. Ajo quhet Marijana. Ne fakt nuk është çështje zemre, por çështje këmbësh. Marijana është fizioterapiste. Është serbe dhe e ka ndihmuar Andi Lilan të kalojë për një javë një dëmtim që mund ta mbante larg fushës për afro 2 muaj. Për të mirën që i bëri, lojtari i Pas Janinës në kampionatin grek I ka kushtuar një status Marijanës me të cilën u takua në Beograd.
“Gjashtë ditë terapi në Beograd, pas dëmitmit. Normalisht duhet të qëndroja 2 muaj jashtë fushave të blerta, por tani mendoj se jam shumë mirë. Marijana, fizioterapistja tha që ju jeni super. Ajo është e mrekullueshme. Faleminderit Zot…”
