Andi Lila ka thënë se dëshironin të merrnin një pikë kundër Francës për shkak tifozërisë shqiptare, që sipas tij kanë bërë krenarë gjithë shqiptarët me mbështetjen dhe sjelljen që po tregojnë në Francë
“Jam i mërzitur natyrisht. Ne treguam të gjithëve se dimë të luajmë futboll të bëjmë lojë të mirë, por morëm gol në minutën e fundit dhe ishte disi nokaut disi për ne”, ka thënë Lila.
“Në pjesën e parë ne i lamë shumë pak hapësira Francës. Tani duhet të ngremë kokën lartë dhe të mendojmë për ndeshjen e radhës”, ka shtuar Lila për SuperSport.
“Donim një barazim vetëm për tifozët pasi ata na kanë bërë krenarë me mbështetjen e tyre. Shpresojmë të kemi fat në ndeshjen e radhës dhe të marrim një rezultat të mirë”, përfundoi Lila.
