-U tha në Opinion

Amnistia fiskale, Bojaxhi: Fillesë politike populiste


Bëhu pjesë e Grupit Zyrtar të Opinion.al
>> KËTU <<
               Publikuar në : 23:10 - 09/06/20 |
Opi Nion

Ndërsa drafti për amnistinë fiskale pritet së shpejti të çohet për t’u votuar në parlament, argumentat pro dhe kundër tij vijojnë të jenë të pranishme. Në emisionin “Opinion”, Gjergj Bojaxhi u shpreh se ishte kundër kësaj nisme, për disa arsye, ndërsa u shpreh se ndër të tjera do të ishte e vështirë ndarja e parave të krimit në këtë process.

“Në kushtet që ne jemi jam kundër një amnistie të tillë. Ne nuk kemi një problem likuiditeti në sistemin financiar. Bankat kanë likuiditet dhe nuk kanë ku t’i çojnë. Jam i bindur që kjo nuk është një kërkesë nga qytetarët. Nuk ka asnjë qytetar që na dëgjon që ta ketë në rendin e parë as të dytë as të 20-in. Ato njerëz që kanë bërë pak lekë duke bërë gjëra të vogla as nuk e çajnë kokën nga kjo gjë edhe sikur të kenë bërë 20 mijë euro në vit. Shumica e tyre kanë shkuar për të çuar fëmijët në shkollë ose duke bërë pushime. Qytetari shqiptar nuk do të ketë fitim nga kjo. Ato emigrantë që kanë punuar dhe i kanë lekët në sistemin bankar, këto abuzimet e rastit të prokurorisë janë thjesht abuzime të prokurorëve dhe ai do të vazhdojë si abuzim sa kohë ke një sistem gjyqësor të korruptuar. Ne kemi një lloj hibidrizimi mes krimit, politikës dhe biznesit sa të pretendosh sot se mund të bësh këtë ndarje, është paturpësia më e madhe. Nuk e ndan dot midis atij që ka bërë lekë nga krimi, pastaj është fut pak në biznes, pastaj është bashkëinvestuar këtu etj., etj. Këto janë të ndërthurura sa që të thuash do bëj amnisti dhe do përjashtojë kriminelët… Unë nuk po them, mund të përjashtohen 50 apo 100 që janë figura shumë të dukshme, por masa është shumë e madhe. Nuk di në 2 vitet e fundit, një shoqatë serioze biznesi që ta ketë ngritur këtë si shqetësim për biznesin, Kjo është fillesë politike populiste, mund të ketë të bëjë më fushatën që po vjen, nuk di ta them”, tha Bojaxhi./Opinion.al

 

Pas