Kreu i Partisë Demokratike, Sali Berisha, ka deklaruar këtë të hënë se projekti i qeverisë për amnistinë fiskalë është një projekt që favorizon klanin mafioz.
Në një dalje për mediat nga selia e PD-së, Berisha tha se dënon me forcë këtë iniciativë të qeverisë, e cila sipas tij rrënon efektet e garës së hapur dhe të ndershme.
Ai shtoi se amnistia fiskale është një goditje për perspektivën europiane dhe për të ardhmen europiane të shqiptarëve.
“Dënoj me forcën më të madhe këtë projekt që Edi Rama për interesa të klanit të tij mafioz kërkon të kriminalizojë ekonominë shqiptare, kërkon të rrënojë efektet e garës së hapur dhe të ndershme. Kërkon të dënojë ata që kanë ngitur bizneset mbi mendjet, djersën dhe ndershmërinë e tyre. Kjo është një goditje për perspektivën europiane, për të ardhmen europiane të shqiptarëve. Çdo deputet që merr përsipër që të votojë një akt të tillë kriminal, direkt apo indirekt bëhet pjesëtar i një organizate kriminale që Europa nuk e ka parë asnjëherë. Çdo deputet duhet të hedhë poshtë projektin famëzi të Amnistisë Fiskale të klanit të tij mafioz. Faleminderit!”, u shpreh Berisha.
