Amnistia e fundvitit, e hartuar nga Ministria e Drejtësisë, do të lirojë nga burgu edhe disa nga të dënuarit për vjedhje të energjisë elektrike.
Amnistia parashikon faljen e dënimit për personat që kanë dënim të formës së prerë, në me pak se dy vjet burg.
Shumica e të arrestuarve për vjedhje të energjisë elektrike kanë marrë dënime të kësaj kategorie, pasi dënimi maksimal për këtë vepër penale është 3 vjet burgim.
Në komisionin e ligjeve u kërkua që të falen të gjithë të arrestuarit për energjinë, por kjo kerkesë u hodh poshtë.
Përzgjedhja nga Minsitria e Drejtësisë për personat që përfitojnë nga amnistia është bërë në bazë të masës së dënimit, moshës së të dënuarit dhe llojit të veprës penale.
Do të lirohen femrat që ndodhen në burg dhe kanë mbushur moshën 50 –vjeç, të cilave u kanë mbetur dhe dy vite dënim.
Për meshkujt, kufiri është mosha 60 –vjeç.
Edhe personat që ditë e kryerjes së veprës penale kanë qënë me të vegjel se 18 –vjeç përfitojnë.
Në total pritet të lirohen 720 të dënuar.
Tv Klan
