Kryeministri Edi Rama ka deklaruar se qasja e Amerikës ndaj Shqipërisë tashmë ka ndryshuar që me ardhjen e administratës së re presidenciale.
Në një komunikim online me qytetarët, Rama u shpreh se SPAK ka mbështetjen e Partisë Socialiste.
Sipas kreut të qeverisë, nëse do të mendonte për shkrirje të këtij institucioni ka thënë duke ironizuar se mjaftonte një sinjal Sali Berishës dhe mund të realizohej.
”Ju e dini që këneta është e përbetuar përmes gojës së bufit të vet që do ta shkrijë SPAK. Nëse do të isha dhe unë i interesuar për këtë, i shqetësuar sic përpiqen të më pikturojnë disa që janë pjesë e problemi dhe nuk kanë lidhje me zgjidhjen, kjo do të ishte më thjeshta fare. Një fishkëllimi bufit dhe e di si vinte bufi apo jo?! Ai buf bufi me një fishkëllimë se e sillte tmerri që ka nga drejtësia, nga SPAK, me tmerrin që ka me të kaluarën që nuk e ndryshon dot dhe e persekuton çdo ditë. Do të shikoni që nuk do hapte gojë Amerika sepse kanë ndryshuar qasje për momentin. Kjo është punë e saj, punë e një superfuqie. SPAK është aty, do jetë aty me mbështetjen e fuqisë së PS. Ne jemi vullneti i popullit shqiptar, populli shqiptar kërkon që SPAK të jetë aty, të fuqizojë veten. Sot kemi prova të pavarësisë së SPAK. Pavarësia nuk mjafton. Duhet profesionalizëm dhe integritet”, u shpreh Rama.
