Ambasadori i Bashkimit Evropian në Tiranë, Silvio Gonzato është takuar ditën e sotme ministren e Shtetit dhe kryenegociatoren e Shqipërisë për procesin e Integrimit, Majlinda Dhuka.
Në një reagim në rrjetet sociale, Gonzato tregon edhe sfidat përpara Shqipërisë, teksa thekson se reformat që lidhen me integrimin në Be kërkojnë një lidership të fortë politik.
“Nuk ka kohë për të humbur! Përshpejtimi i reformave të lidhura me BE-në nga Shqipëria duhet të jetë fokusi ynë i përbashkët pas procesit të suksesshëm të shqyrtimit analitik të legjislacionit. Ky ka qenë mesazhi kryesor që i përcolla Ministres së Shtetit dhe Kryenegociatores Majlinda Dhuka gjatë takimit të djeshëm. Për këtë ne kemi nevojë për lidership të fortë politik, një administratë publike solide dhe një angazhim proaktiv me të gjithë aktorët. #EvropaËshtëKëtu për të ndihmuar Shqipërinë t’ia dalë me sukses kësaj sfide,”, shkruan ambasadori i BE-së Silvio Gonzato në X.
