Ambasada Britanike ka bërë thirrje përmes një deklarate që të dielën procesi zgjedhor të kalojë në paqe dhe siguri. Ajo i bën apel liderëve politikë të ulen në dialog për të zgjidhur krizën politike.
Gjithashtu ambasada shton se duhet këmbëngulur që rastet e krimeve zgjedhore të hetohen sa më shpejtë pasi askush nuk mund të jetë mbi ligjin.
Deklarata e Ambasadës së Mbretërisë së Bashkuar në Tiranë
“Mbretëria e Bashkuar beson se qytetarët kanë të drejtë të votojnë në mënyrë të qetë dhe paqësore. Çdo njeri që është i angazhuar të dielën në 30 qershor duhet të bëjnë detyrën e tyre për të siguruar një situatë sa më të qetë dhe të sigurt. Çdo formë dhune është e papranueshme. Ne mbështesim misionin ndërkombëtar të drejtuar nga ODIHR për të monitoruar procesin e votimit.
Në protestën e fundit të mbajtur më 21 Qershor 2019 në pamë një demonstratë paqësore e cila reflektoi vlera demokratike dhe mbështesim që të njëjtat parime të ndiqen më 30 qershor.
Ju kërkojmë liderëve politikë të tregohen të përmbajtur ndaj provokimeve dhe retorikës përçarëse. Ne vazhdojmë ti bëjmë thirrje të gjitha palëve të angazhohen në një dialog konstruktiv për ti dhënë fund krizës politike. Vetëm përmes dialogut, Shqipëria do të mund të zgjidhë situatën aktuale politike dhe të përqendrohet në vendosjen në funksion të Gjykatës Kushtetuese dhe reformës zgjedhore duke përfshirë rekomandimet e mëparshme të ODIHR.
Ne presim që të gjitha palët të mbështesin reformën në drejtësi dhe të vazhdohet të hetohen të gjitha rastet e korrupsionit dhe krimit elektoral, përshirë blerjen e votës. Mbretëria e Bashkuar bën të qartë se askush nuk mund të jetë mbi ligjin.” /Opinion.al
