Në vazhdën e takimeve në universitete të ndryshme të vendit, kreu i SPAK Altin Dumani është ndalur paraditen e sotme në qytetin e Durrësit.
Para studentëve të Fakultetit të Shkencave Politike-Juridike në Universitetin e Durrësit, Dumani u shpreh se pa drejtësi nuk mund të ketë paqe dhe demokraci.
Kreu i SPAK theksoi se pavarësisht punës që drejtësia ka bërë deri më tani, ka ende rrugë përpara për të çrrënjosur krimin e organizuar.
Në fund të fjalës së tij, ai kërkojë bashkëpunimin e shumë institucioneve, në mënyrë që të ndërohet një sistem drejtësie i paanshëm.
Pjesë nga fjala e Dumanit:
“Kënaqësi të gjendem këtu. Larmia e temave është tërheqëse, por qenia ime sot këtu është në vazhdën e takimeve te organizuara dhe në universitete të tjera për të vazhduar komunikimin tonë ndërinstitucional.
Besimi dhe drejtësia janë element të rëndësishëm, pa drejtësi nuk mund të këtë paqe dhe pa llogaridhënie nuk mund të ketë demokraci.
Reforma në Drejtësi u realizua me ndryshimet thelbësore kushtetuese. SPAK u krijua për të goditur fenomenet që dëmtojnë shtetin. SPAK është një ndër produktet e reformës në drejtësi dhe ka treguar se ushtron të drejtën ndaj çdo subjekti pavarësisht lidhjeve me botën e krimit të organizuar të objekteve të caktuara.
Jemi të vetëdijshëm që ka shumë punë ende për të çrrënjosur krimin e organizuar. Dëshiroj të theksoj se përpjekjet për ndërtimin e një sistemi drejtësie të paanshëm, nuk mund të jenë të njëanshme pa ndihmën e shumë institucioneve në bashkëpunim.”
