Juventus duket se e ka marrë veten në javët e fundit pas një starti të ngadaltë të sezonit. Por nëse Juve është “ringjallur” e kundërta ka ndodhur me superyllin e këtij ekipi, Paulo Dybala. Argjentinasi po vuan në javët e fundit ku ka përfunduar edhe në stol për shkak të formës së dobët. Pikërisht për këtë ka folur edhe trajneri Allegri së fundmi që vë theksin se sulmuesi duhet të bëjë diferencën nga jeta private me atë profesionale
“Nuk e di se cili është problemi i vërtetë. Secili duhet ta dijë ta drejtojë vetë jetën private, unë bëj trajnerin jo qenin e rojes. Unë shikoj dhe vlerësoj atë që ndodh në stërvitje. Dybala është një lojtar që nuk po jep atë që duhet, kështu që luan një tjetër dhe pikë. I kam thënë që gjëja e vetme që duhet të bëjë ështe të vijë këtu në Vinovo, të harrojë gjërat që kanë shkuar keq. Sa më pak të mendosh, aq më shumë bën”.
