Alarmi për një sulm terrorist ka tronditur këtë pasdite banorët e Lionit në Francë. Autoritetet thanë se një operacion policor u zhvillua në stacionin hekurudhor “Part-Dieu” në Lion pasi një grua që mbante disa çanta kishte kërcënuar se do të hidhte veten në erë dhe kishte bërtitur “Allahu Ekber”.
Në lidhje me ngjarjen një person u arrestua ndërsa stacioni u evakuua.
Policia lokale raportoi se një ekip i asgjësimit të bombave shkoi në vendngjarje, ndërsa stacioni hekurudhor dhe zona përreth u rrethuan për arsye sigurie.
Kjo ngjarje vjen disa ditë pas ekzekutimit të mësuesit të histori-gjeografisë në rethinat e Parisit. Profesori u ekzekutua pasi kishte nxjerrë përpara nxënësve në klasë disa karikatura të profetit Muhamed./ Opinion.al
