Nga fillimi i dhimbjes së kokës deri tek ndjenja e keqardhjes, të gjithë e dimë se alkooli nuk është i mirë për trupin tonë.
Për disa adhurues të alkoolit, nuk është diçka e pazakontë që të betohen për të mos pirë më alkool.
Megjithatë, ndoshta pak ditë më vonë, ata do ta gjejnë veten në të njëjtën situatë, mbase në të njëjtin vend.
Por një udhëzues i ri ka zbuluar se çfarë ndodh me të vërtetë me trupin tuaj, kur ju ndaloni së piri alkool.
Ekspertja e “Varësisë ndaj alkoolit”, Nial Campbell, në spitalin “Priory” të Londrës, ka paraqitur përfitimet e lënies së alkoolit pas 3 muajsh.
“Në ditët e para, trupi juaj do të fillojë të pastrohet, niveli i sheqerit në gjak do të normalizohet, dhimbja e kokës do të reduktohet dhe do të ulet niveli i depresionit.”
Ajo ka thënë gjithashtu se gjatë javëve, gjumi do të përmirësohet, etja për ujë dhe ndjenja e urinimit do të ulet. “Kjo ndodh për shkak të pastrimit të lëngjeve të dëmshme nga organizmi, të shkaktuara nga alkooli”.
Ndërsa, jo më larg se 3 muaj, do të ndiheni energjikë, në gjendje të mirë shëndetësore, dhe do të përjetoni ulje të nivelit të stresit.
“Tashmë jeni gati për të gëzuar jetën dhe sigurisht nuk do të ndiheni më të tunduar nga aroma e alkoolit”./klan
