Një astronaut i cili ishte personi i gjashtë që shkeli në Hënë, ka thënë se alienët erdhën në Tokë gjatë Luftës së Ftohtë për të ndaluar një luftë nukleare mes SHBA-së dhe Rusisë.
Edgar Michell, i cili shkoi në Hënë gjatë misionit Apollo 14 më 1971, tha në një intervistë me Mirror Online se burimet e tij e kanë bindur atë se jashtëtokësorët paqedashës i çaktivizuan raketat nukleare në një bazë ushtarake të SHBA-së, të cilat do të futeshin në testim.
“Përvoja ime duke biseduar me njerëz më ka bërë të kuptoj se jashtëtokësorët janë përpjekur të na ndalojnë të hyjmë në luftë dhe na kanë ndihmuar të krijojmë paqe në Tokë.Kam biseduar me shumë zyrtarë të Forcave Ajrore që punuan në ato baza gjatë Luftës së Ftohtë… Ata më kanë thënë se UFO-të janë parë shpesh andej dhe i kanë çaktivizuar raketat. Zyrtarë të tjerë nga bazat në gjirin e Paqësorit më kanë thënë se raketat e tyre janë qëlluar nga anijet aliene”, tha Edgar.
Gazeta Express
