Aktori i komedisë Albano Bogdo ka dhënë një intervistë për televizionin Klan. Të shtunën ai pritet të jetë pjesë e spktaklit të humorit “Duplex”, që do të zhvillohet në këtë televizion.
Albano ka treguar për eksperiencën në shoë-n “Duplex” dhe disa detaje nga jeta e tij personale.
Aktori tregoi se zhvendosja në “Klan” për të është një sfidë e re, e cila i krijon shumë mundësi. Lidhur me jetën personale aktori ka treguar para disa kohësh se kishte varësi ndaj alkoolit, por me sa duket ja ka dalë të mos e konsumojë më.
I pyetur nëse ka hequr dorë përfundimisht aktori përgjigjet:
“Kam që në 2 qershor të vitit 2014 që nuk pi më alkool sikur të përmbyset bota. Nuk më pihet më. Edhe kur bëra 30-vjetorin, të gjithë pinë u bënë tapë dhe unë piva vetëm sprite. As për vitin e ri, as për 1 majin, për asnjë festë. Kjo tregon vendosmërinë dhe karakterin. Kam 4 vite që nuk jam tunduar asnjëherë. Kur ulem me njerëz që pinë alkool me shpifet”.
