Në vitet 1970 dhe 1980, mbi 4,500 njerëz me hemofili dhe çrregullime të tjera të gjakut u infektuan me HIV, hepatit B dhe C dhe një sërë virusesh të tjera të gjakut pasi morën gjak të kontaminuar që importohej nga SHBA.
Mbi 2,000 njerëz kanë vdekur prej atëherë dhe nga 1,243 njerëz të infektuar me HIV, më pak se 250 janë ende gjallë.
Gjaku i ndotur kishte dhe vazhdon të ketë një ndikim shkatërrues në jetën e mijëra njerëzve me hemofili dhe në familjet e tyre. Shumë prej tyre kanë vdekur dhe ata që janë infektuar jetojnë me pasojat e viruseve dhe trajtimeve të tyre.
Skandali i i gjakut të kontaminuar në Mbretërinë e Bashkuar doli në dritë kur mijëra njerëz me hemofili u infektuan me hepatit C, B dhe HIV. Këto viruse erdhën si rezultat i marrjes së gjakut të kontaminuar në vitet 1970 dhe 1980.
Deri në tetor 2017 kishte të paktën 1,243 vdekje të konfirmuara në Mbretërinë e Bashkuar të njerëzve të cilët kishin marrë gjak të kontaminuar. Numri i përgjithshëm i viktimave mund të jetë deri në 2,600 megjithëse shifrat e sakta nuk janë të njohura.
Infeksionet u shkaktuan nga produkti i nxjerrë nga plazma i njohur si “Faktori VIII”, një produkt mjekësor që erdhi nga nga Shtetet e Bashkuara . Arsyeja kryesore që Britania e Madhe ka importuar gjak nga SHBA është sepse ajo nuk prodhonte mjaftueshëm gjak për të mbuluar pacientët e saj.
Shumë prej viktimave u informuan për sëmundjen që mbartnin shumë vite pasi ishin infektuar, duke e bërë kështu të pamundur kurimin e sëmundjes.
Paketat me gjak ishin marrë nga Shtetet e Bashkuara, prej të burgosurve dhe të varurve nga droga, shumë prej të cilëve ishin paguar për të dhuruar gjak.
Qeveria ka kërkuar ndjesë për skandalin e gjakut të infektuar por asnjë organ qeveritar, shëndetësor ose farmaceutik në Mbretërinë e Bashkuar nuk ka pranuar asnjë përgjegjësi për skandalin dhe nuk është paguar asnjë dëm ose kompensim për të infektuarit apo të prekurit.
Ekipi ligjor i qeverisë tha se ishte e qartë që ” kanë ndodhur gjëra që nuk duhet të kishin ndodhur”.
Duke folur në emër të Departamentit për Shëndetësi dhe Kujdesin Social në Angli, Eleanor Gray QC tha: “Na vjen keq, kjo ndodhi kur nuk duhej të ndodhte”.
Britanikët pyesin, a mjafton nje ndjesë për të gjithë pasojat e vdekjet e mijëra njerëzve?/Opinion.al
