Moderatorja Albana Osmani gjithmonë është përfolur për trupin e saj të kuruar dhe shumë të bonifikuar. Epo jo më kot moderatorja ka atë trup ëndrrash pasi pas tij fshihet një trajtim i mirë dhe një kujdes i madh. Moderatorja është pyetur nga revista “Bordo”, për mëngjesin e saj pasi Albana postoi një foto në “Instastory” e cila ngjalli kureshtje. Mëngjesi i saj përbëhej nga fara të shumta, fruta dhe mjalt.
Sipas Albanës ky mëngjes është mjaft kalorik dhe i shëndetshëm dhe kombinohen më së miri me palestrën.
“Mëngjeseve zakonisht preferoj konsumimin e farërave, ku përfshihen ato të linit, lulediellit e kungullit. Të gjitha këto, në çdo rast, shoqërohen me të tjera produkte, si: kos, tërshërë, mjalt, manaferra, kumbulla, boronica e kanellë”, ka rrëfyer Albana për bordo.al, duke mos lënë pa zbuluar një tjetër sekret. “Nuk është kjo një zgjedhje pa arsye. Të gjitha produktet e lartpërmendura përmbajnë shumë kalori, të cilat janë kombinimi perfekt me disa orë të shpenzuara në palestër”. Përsa i përket lëngjeve, moderatorja është një shembull po aq i mirë sa Jennifer Lopez, Jennifer Aniston etj, në këtë drejtim: “Ujë, sa më shumë ujë! Ndër lëngjet e tjera preferoj atë të xhinxherit.”
