Në emisionin “Jo Vetëm Modë”, në Tv Klan ka qenë Albana Nanaj e cila ka folur për eksperiencën e saj për 14 dokumentarët e saj për këtë sezon në emisionin “Check In” . Ndër emocionet që ka përjetuar ajo nëpër këto udhëtime, ka rrëfyer edhe një moment të vështirë, ku është frikësuar. Ka qenë në Amazonë dhe duke udhëtuar në Lumin Negro, varka e tyre ka ngecur nëpër barishte dhe filloi të errësohej.
Albana Nanaj: Në Amazonë kemi pasur një moment të vështirë, varka jonë ngeci nëpër barishte. Amazona kishte dy vite pas pandemisë ishte komplet e paprekur, vegjetacioni, gjelbërimi, bimët në ujë ishin rritur dhe sigurisht nuk kishte kaluar asnjë. Ne u shkëputëm dhe në një pikë ngecëm dhe duhet të riktheheshim mbrapsht. Ne Amazonën e bëmë me një anije gjithë kohën, filloi të bëhej errësirë, lumi ishte pak i egërsuar sepse sapo kishte mbaruar një furtunë, në Amazonë janë normale.
Lumi Negro që ne lundruam është një lumë që është 40-50 km i gjerë, dukej sikur ti je në det ose oqean dhe patëm një frikë të them të drejtën. Kishim frikë sepse varka mos fuste ujë, të arrinim deri tek anija, kur kemi arritur pastaj kemi marrë një frymëmarrje, por Amazona është kjo. /tvklan.al
