Futbollisti i Kombëtares, Alban Hoxha i cili është shumë i përfolur kohët e fundit në media, ndoshta mund të jetë edhe pjesë e programit të kërcimit “Dance With Me”, që do të startojë në shtator në Tv Klan.
Në edicionin e tretë të këtij programi mund të jetë edhe portieri i Partizanit. Ai ka qenë i ftuar në shtëpinë e producentes dhe regjisores Vera Grabocka, e cila ka postuar një foto me të në rrjetet sociale.
Regjisorja Grabocka nuk jep detaje rreth takimit, por Opinion.al ka mësuar se të dyja producentet Vejsiu dhe Grabocka, ende pa mbaruar “Your Face Sounds Familiar”, kanë filluar bisedimet me VIP-at që pritet të jenë pjesë e DWM.
Burime pranë stafit të DWM, bëjnë me dije për Opinion.al se deri tani janë kontaktuar disa personazhe si modeli Alesio Aliaj, këngëtarja Ledina Çelo, këngëtarë nga Kosova, etj madje moderatorja Alketa Vejsiu i ka bërë ftesë publike, Besnikut të NRG si dhe këngëtares Era Rusi (pjesëmarrës në YFSF) të bëhen pjesë e programit të kërcimit.
