Një operacion i madh anti-terrorist është duke u zhvilluar përreth kishës “Sagrada Familia” në Barcelonë.
Mediat spanjolle raportojnë se policia ka vendosur perimetrin e sigurisë përreth disa blloqeve të banesave.
Policia ka evakuuar katedralen dhe stacionin e metrosë aty pranë. Për momentin zona është e siguruar dhe situatën e kanë marrë në dorë forcat anti-terror.
“El Pais” raporton se policia katalanase ka urdhëruar që qytetarët të mos i afrohen zonës së mbyllur.
Paralelisht me rrethimin e zonës pranë katedrales, policia ka marra menjëherë masa për të ‘blinduar’ stadiumin Camp Nou , ku po luhet ndeshja Barcelona-Juventus.
