Shumë fëmijë të azilkërkuesve që kanë mbërritur në Britaninë e Madhe konsiderohen të humbur, pjesa më e madhe e tyre janë shqiptarë. Duke iu referuar një raporti të publikuar nga gazeta “The Observer”, të paktën 340 fëmijë janë zhdukur ne periudhën mes Janarit dhe Shtatorit të këtij viti dhe mbi 900 fëmijë azilkërkues konsiderohen të humbur, këto pesë vitet e fundit.
Në vitin 2014 në Britaninë e Madhe u rregjistruan 31.400 kërkesa për azil, prej të cilave 1945 janë nga fëmijët, të ndarë nga prindërit, përpara se të mbërrinin në Britaninë e Madhe. Numri më i lartë është nga Shqipëria, Eritrea, Afganistani, Siria, Vietnami dhe Irani. Qendra për Fëmijët “Bernardo’s” -në tetor të këtij viti- raportoi se fëmijët shqiptarë po përdoren si skllevër.
Shefi i kësaj Qendre, Xhaved Kan tha se disa prej tyre bëjnë punë të detyruar në ndërtim, por edhe shfrytëzohen për aktivitete kriminale, sic është prostitucioni. Megjithëse nuk dha shifra, të paktën 382 shqiptarë aplikuan për azil në tremujorin e këtij vit në Britaninë e Madhe, 7 % më shumë se e njëjta periudhë në vitin 2014.
