Kulla Eifel në Paris, ndër vendet turistike më të vizituara në botë, u mbyll për publikun të shtunën pasi u evakuua si masë paraprake pas një kërcënimi me bombë, tha një burim i policisë franceze.
Autoritetet franceze thanë se ekspertët e asgjësimit të bombave si dhe policia po kontrollonin zonën, duke përfshirë një restorant të vendosur në një nga katet e kullës.
“Është një procedurë e zakonshme në këtë lloj situate e cila megjithatë është e rrallë,” tha një zëdhënëse.
Vizitorët u evakuuan nga tre katet dhe nga sheshi nën monument pak pas orës 13:30 (1130 GMT).
