Kronikë

Akuzohet se porositi atentatin me tritol në Kamëz, burg për Gjergj Cukalin


Bëhu pjesë e Grupit Zyrtar të Opinion.al
>> KËTU <<
               Publikuar në : 13:08 - 26/02/21 |
Doriana Çepunaj

Gjykata ka caktuar sot masën e sigurisë “arrest me burg” për Gjergj Cukalin, një prej të arrestuarve për atentatin ndaj Gjon Menës në Kamëz. Cukali, akuzohet se është porositësi i atentatit me eksploziv në Kamëz.

Ai njihet ndryshe edhe si “i forti” i rrugës “Myslym Shyri”, ndërsa akuzohet për veprat penale “vrasje me paramendim mbetur në tentativë” dhe “shkatërrim prone me eksploziv”.

Ndërkohë, kushërinjtë Enver dhe Edmond Jakimi, të arrestuar po për atentatin ndaj Memës kanë rënë në pranga dy ditë pas ngjarjes por arrestimi i tyre është i mbajtur i fshehtë që të mos dekonsiporohej ngjarja.

Po ashtu dhe seanca për masën e sigurisë për Enver dhe Edmond Jakimin është zhvilluar në fshehtësi dhe u është komunikuar më herët masa e arrestit. Lënda plasëse u vendos poshtë gomës së makinës, ndërsa pas ngjarjes, dy kushërinjtë u larguan drejt Zall Bastarit, ku edhe u arrestuan.

I skeduar nga policia rezulton të jetë dhe Gjon Mena, shënjestra që i shpëtoi atentatit, por mbeti i gjymtuar si pasojë e shpërthimit. Ai njihet dhe me emrin Altin Xhuxha, dhe rezulton se është dënuar për armëmbajtje pa leje, dhe është skeduar për vjedhje me dhunë në Francë dhe Itali./Opinion.al

Pas