Sport

Akuzat për përdhunim, ADN e Ronaldos përputhet me provat


               Publikuar në : 21:50 - 21/10/19 |
Al Do

Përfshirja e Cristiano Ronaldos në një përdhunim  në vitin 2009 mund të jetë drejt zbardhjes.

Sipas britanikes The Sun, ADN-ja e gjetur në  dhomë si provë për përdhunimin rezulton të jetë përputhur me atë të yllit të Juventusit.

The Sun raporton gjithashtu se ai mësohet t’u ketë thënë avokatëve të tij se modelja i kishte thënë atij ‘Ndalo.’

Në korrik ish-modelja Kathryn Mayorga pretendoi se ishte përdhunuar prej tij në 2009 në një suitë në Vegas. Ajo tha se Ronaldo e kishte përdhunuar  në “Hotel Palms Place”,  pasi ata u takuan në një natë dhe ajo kishte rënë dakord të kthehej në dhomën e tij.

Në fillim policia nuk arriti të gjente prova të mjaftueshme për të ndjekur penalisht Ronaldon.

Mayorga pretendon gjithashtu se avokatët e Ronaldos shfrytëzuan gjendjen e saj mendore në mënyrë që ta detyronin atë të nënshkruante një marrëveshjeje me futbollistin që ‘të ruajë konfidencialitetin e mosmarrëveshjes së tyre’. Për këtë Mayorga ishte paguar 375,000 dollarë.

Vitin e kaluar Ronaldo tha: “Unë mohoj me forcë akuzat që janë lëshuar kundër meje. Përdhunimi është një krim i neveritshëm që shkon kundër gjithçkaje për të cilën jam dhe besoj”.

Mayorga tha se ai iu lut asaj që të bënte një kërcim seksual mbi të. Ajo nuk pranoi por e puthi. Ajo pretendon se Ronaldo atëherë filloi ti afrohej me forcë.

“Ai filloi të bëjë gjëra, të prekë dhe të më kap. Unë e shtyva larg dhe vazhdova duke thënë: “Jo”. Unë u largova prej tij dhe u mblodha si një top. Në këtë moment ai u hodh mbi mua. Unë thashë: “Jo, jo, jo, jo.” është një pjesë e dëshmisë së ish-modeles.

Përputhja e ADN-së e vendos fituesin e pesë topave të artë në një pozicion mjaft të vështirë. Imazhi i tij do të dëmtohej rëndë dhe kontratat sposorizuese do tërhiqeshin duke qenë se përdhunimi është një nga aktet më të dënueshme në publik. /Opinion.al

Pas