59 zyrtarë të akuzuar për korrupsion dhe sabotim ekonomik, janë arrestuar nga autoritetet e Etiopisë. Sipas prokurorit të Përgjithshëm, këto arrestime u bënë në kuadër të spastrimit të administratës nga persona të korruptuar.
Raportohet se, mes të arrestuarve janë dhe persona të cilët kanë punuar në poste të larta në ministri të ndryshme. Kryesisht personat e arrestuar kanë punuar në ministrinë e Financave.
Sipas “Reuters”, zyrtarët e arrestuar duke shfrytëzuar postin e tyre u kanë dhënë personave të ndryshëm prona më shumë nga sa u takonte me ligj.
Kryeministri Abiy Ahmed, i cili erdhi në pushtet vitin e kaluar, ka deklaruar se kabineti i tij dhe autoritetet do të luftojnë kundër korrupsionit dhe informalitetit./ Opinion.al E.Xh.
