Kryeministri Edi Rama ka reaguar pas akuzave të opozitës se Presidenti i Bajram Begaj po bëhet palë me qeverinë.
Nëpërmjet një postimi në rrjetet sociale, Rama shkruan se përfunduar koha kur Presidenti i vendit bashkëudhëhiqte “revolucionet kundër qeverisë, duke iu referuar ish-kreut të shtetit Ilir Meta.
Rama shkruan më tej se Shqipëria është në një tjetër kohë, ku rriten pagat, investimet dhe turizmi. Po ashtu, ai ka ironizuar dhe protestën e përditshme që zhvillohet para banesës së ish-kryeministrit Sali Berisha.
Reagimi Ramës
Koha politike kur Presidenti i Republikës bashkëudhëhiqte revolucionet imagjinare kundër qeverisë e në dëm të Shqipërisë, duke e përdorur Kushtetutën si koktej Molotov ka perënduar me kohë, siç do të mbaroje po njësoj, më shpejt se sa vonë, edhe ora e keqkuptimit të madh të politikës së ditës, mes punës mendore të parlamentarëve dhe aktivitetit fizik të tyre në sallën e Kuvendit të Shqipërisë! Shqipëria është në një kohë tjetër dhe ky vit është kyç për rritjen e mëtejshme të pagave, investimeve publike e atyre private, të brendshme a të huaja, turizmit që në 2023 arriti rekordin fantastik të 10 milionë vizitorëve nga jashtë, e me radhë, prandaj ky vend s’ka asnjë sekondë për të humbur me askënd që vazhdon me orën e vjetër, duke kërkuar nëpër rrugicat e ngushta të Kuvendit a të zonës rreth tij, rikthimin e kohës së vdekur.
