Kryeministri Edi Rama ka reaguar pas akuzave të kreut të PD-së, Sali Berisha, i cili tha më herët në një vizitë të zhvilluar në zonat e përmbytura në Shkodër se qeveria po vjedh me energjinë.
Në një postim në “Twitter”, Rama shkruan se më shumë se kushdo është hajduti që bërtet kapeni hajdutin. Më tej ai akuzon opozitën se ka vjedhur aq shumë sa veç vjedhje shohin pas çdo gjëje.
“Si është e mundur që sa gdhihen e deri kur ngrysen bërtasin veç “Vjedhje! Vjedhje! Vjedhje”?! Sepse më shumë se kushdo është hajduti që bërtet kapeni hajdutin dhe këta kanë vjedhur aq shumë sa veç vjedhje shohin pas çdo gjëje!”-shkruan Rama.
