Sekretari i Përgjithshëm i Partisë Demokratike, Gazmend Bardhi, i ftuar në “Top Channel”, është shprehur se Prokuroria ka mbajtur një qëndrim tërësisht politik pasi çështja ka nisur që në nëntor 2017-s dhe janar 2018.
Sipas Bardhit, Prokuroria ka risjellë në vëmendje akuzat ndaj PD sa herë që qeveria Rama është në vështirësi.
Sekretari i Përgjithshëm i Partisë Demokratike, kujton se këto akuza u përdorën kur nisën hetimet ndaj ish-ministrit të Brendshëm, Saimir Tahiri dhe më pas kur nisën lidhjet e vëllait të Fatmir Xhafajt me trafikun e drogës.
Ai tregoi procesverbalin e Prokurorisë ku nuk ishte pyetur fare, por i ishte thënë që a ke ndonjë gjë të re.
Bardhi tha se Partia Demokratike nuk ka kontratë me Binata Trade./ Opinion.al E.Xh.
