Pas deklaratave fyese ndaj Zinedine Zidane, president i Federatës Franceze të futbollit, Noel LeGraet, është rikthyer në faqe të parë të gazetave për një tjetër skandal.
Menaxherja e futbollit dhe ish-lojtarja Sonia Saoud ka akuzuar kreun e futbollit francez për ngacmim seksual në vitin 2014. Në një intervistë për l’Equip, ajo u shpreh se LeGret kishte kohë që e ngacmonte dhe flirtonte me të shpesh, ndërsa një ditë i kishte kërkuar që të vinte në shtëpinë e tij me pretekstin e një takimi pune.
“Më shtator 2014, më kërkoi që t’i shkoja në apartamentin e tij në Paris. Aty, ai takonte njerëzit më të rëndësishëm dhe fliste me ta për projekte serioze. Për këtë arsye pranova. Vajta dhe më priti me një shishe shampanjë dhe dy gota. Po prisja të takohesha dhe të flisnim për të ardhmen e futbollit, por mesa duket ishte vetëm një lojë e tij. Unë isha 26 vjeç, isha fillestare, Graet ishte president i Federatës dhe duhej respektuar. Nuk më ka parë kurrë si lojtare, vetëm si objekt. Të them të drejtën më shikonte në pjesën intime. U largova menjëherë, por sërish nuk më linte të qetë. Më telefononte dhe më kërkonte të takoheshim. Diçka e turpshme për postin që ai ka”.
Kjo ngjarje vjen vetëm disa ditë pasi Le Great bëri jehonë me deklaratat e tij kundër legjendës franceze Zinedine Zidane se, nëse ky i fundit do e telefononte, Le Gret s’do i hapte as telefonin. Edhe për këtë reagimet ishin të shumta me Mbappe, Ribery apo Real Madrid që shpërthyen ndaj mosrespektit që kreu i federatës i bëri legjendës franceze.
