Rreziku nga ndryshimet klimatike tashmë po vërtetohet se nuk është i largët.Një studim i fundit ka konstatuar se reshjet e shiut që po bëhen gjithmonë e më të shpeshta në Grenland kanë përshpejtuar shkrirjen e akullit.Shkencëtarët thonë se janë “të befasuar” sesi edhe gjatë stinës së dimrit ka rënë shi në Arktik.
Sipas përllogaritjeve, nëse masive akullnajore shkrihen, niveli i detit do të rritet me shtatë metra, duke kërcënuar qendrat e popullsisë bregdetare anembanë botës.Reshjet zakonisht bien si flokë dëbore në dimër, në vend të shiut, të cilat balancojnë deri diku shkrirjen e akullit përgjatë sezonit të verës.Shkencëtarët studiuan fotot satelitore të masive akullnajore, të cilat zbulojnë zonat ku po ndodh shkrirja.
Ata i kombinuan imazhet me të dhënat e grumbulluara nga 20 stacione të automatizuara të motit, të cilat regjistruan periudhën kur kishin rënë reshjet.Gjetjet, të botuara në revistën The Cryosphere, tregojnë se nga 2 raste shiu gjatë dimrit në fazën e hershme të studimit kishin arritur në 12 deri në vitin 2012.
Në më shumë se 300 raste midis viteve 1979-2012, analiza zbuloi se reshjet e shiut po shkaktonin shkrirjen e akullit.Shumica e tyre ishin në verë, kur ajri shpesh kap vlerat mbi zero gradë celsius. Por çudia ndodhi me reshjet e regjistruara në muajt e dimrit, ku Grenlanda “pushtohet” nga errësira e përhershme e dimrit polar dhe temperaturat janë disa Gradë minus.
