Aktualitet

AKU Korçë: Bllokohet 10 ton miell me afat të kaluar përdorimi, do asgjësohet


Bëhu pjesë e Grupit Zyrtar të Opinion.al
>> KËTU <<
               Publikuar në : 10:45 - 12/04/22 |
Opi Nion

Autoriteti Kombëtar i Ushqimit në vijim të monitorimit të situatës ka kryer kontrollet në një furrë buke me inicial “B” në Korçë, ku ka konstatuar në ambientet e magazinimit një sasi prej 10 ton miell me afat të kaluar përdorimi.

AKU bën me dije se ndaj subjektit u vendos  gjobë 500’000 lekë si dhe u bllokua sasia prej 10 ton “Miell”, produkt i pasigurt për konsum  i cili do të asgjësohet.

“Drejtoria Rajonale e Autoritetit Kombëtar të Ushqimit, qarku Korçë në vijim të monitorimit të situatës dhe garantimit të sigurisë ushqimore kreu kontrollin zyrtar në subjektin me inicial “B”, me aktivitet “Furrë Buke”, Korçë, ku gjatë kryerjes së procedurës në kushtet e flagrancës u konstatua se në ambientet e magazinimit të subjektit, u evidentua sasia prej 10 ton produkti “Miell” me afat të kaluar përdorimi.

Për shkeljet e konstatuara ndaj subjektit u vendos masë administrative 500’000 lekë si dhe u bllokua sasia prej 10 ton “Miell”, produkt i pasigurt për konsum me destinacion asgjësimin”, njofton AKU./Opinion.al

Pas