Këto ditë është duke u zhvilluar në Kanë të Francës Festivali i Filmit. Në tapetin e kuq të këtij eventi kanë parakaluar emra shumë të njohur të kinematografisë botërore, mes tyre edhe aktorja Elle Fanning.
Por duket se për aktoren e njohur është shënuar një incident. Kur Elle ishte e ulur në tryezë së bashku me motrën e saj aktoren Dakota Fanning, krejt papritur është rrëzuar nga karrigia dhe i ka rënë të fikët.
Fatmirësisht pranë saj ka qenë aktori Colin Firth, i cili i ka dhënë aktores ndihmën e parë. E gjithë kjo ka ndodhur për shkak të fustanit të Fanning.
Korseja që kishte veshur aktorja poshtë fustanit ishte tejet e ngushtë dhe kjo ka bërë që ajo të ndihej keq.
Më pas në një foto në rrjete sociale ajo ka shkruar: “Ups, humba ndjenjat sot në fustanin tim “Prada” nga vitet ’50, por çdo gjë është mirë”,-përfundon Fanning krahas fotos së publikuar në rrjete sociale./Opinion.al/
