Aktorja e famshme e “Hollywood”-it Marcia Cross ka treguar për fansat e saj se tani është e shëndetshme, pasi ka mundur që të fitojë luftën kundër kancerit.
56-vjeçarja zbuloi se ka vuajtur nga kanceri anal, por tashmë është shëruar. Ylli i serialit “Shtëpiake të dëshpëruara” ka publikuar një fotografi ku tregonte flokët e rëna dhe të prera shkurt pas koke.
“Jam kaq mirënjohëse dhe e lumtur që jam gjallë, por e trishtuar që flokët e mi kanë rënë dhe janë rreth 2.5 cm të gjatë tani”, shkruante ajo krahas fotos.
Kjo fotografi i bëri fansat e saj paksa konfuz, e për këtë arsye Marcia bëri një tjetër postim për të sqaruar se çfarë kishte ndodhur.
“Ndjekësit e mi të dashur, Më vjen keq që postimi im nuk ishte i qartë. Unë e kam mundur kancerin. Gjithçka është mirë tani. Udhëtim i vështirë, por jam e shëndetshme, e lumtur dhe më mirënjohëse se kurrë. Faleminderit nga thellësia e zemrës sime për të gjithë dashurinë tuaj”, shkruante ajo.
