Aktori Mehdi Malkaj ka mbajtur fjalën e tij në protestën e radhës të opozitës përpara Bashkisë së Tiranës.
Ai tha se “policët mund ta rrahin, por se duhet të kenë kujdes, pasi vjen nga një operacion”.
Malkaj rreshtoi gjithashtu kritika ndaj qeverisjes qendrore dhe lokale në Tiranë.
“Zotërinj policë. Ju jeni aty për t’ju shërbyer qytetarëve dhe jo për të mbrojtur hajdutët. Policë, e kuptoj hallin tuaj se do mbani familjet tuaja.
Por duhet dhe pak protestë. Të dalë njëherë njëri nga ju policë dhe të bëhet me popullin. Mund të më rrihni edhe mua, por kam frikë mos iu ngelem në dorë se kam bërë dhe një operacion. Njeriu ndonjëherë proteston dhe me veten, e jo më me padrejtësinë e përditshme. Duhet të protestojmë”,-tha aktori në protestën e sotme.
