Policia e Lezhës vijon aksionin anti-drogë, ku gjatë ditës së sotme është gjetur një sasi e konsiderueshme kanabis.
Paraprakisht mësohet se sasia e kanabisit është gjetur në një banesë të braktisur, në fshatin Manati.
Sipas “News 24”, forcat e policisë po kryejnë kontrolle dhe po punojnë për identifikimin e poseduesit të lëndës narkotike.
Aksioni kundër kultivimit dhe trafikimit të drogës në qarkun e Lezhës ka nisur sërish disa ditë pas vrasjes së nënkomisarit Saimir Hoxha. Ky i fundit u qëllua për vdekje nga 21-vjeçari Aldi Rama, teksa po kthehej bashkë me dy kolegë të tjerë nga operacioni për asgjësimin e një parcele me kanabis.
Policia ende nuk ka dhënë asnjë informacion zyrtarë në lidhje me këtë aksion, apo me sasinë e drogës që është gjetur në banesën e braktisur.
