Një ditë më parë një 83 vjecar u aksidentua për vdekje teksa kalonte në unazën e qytetit të Pogeadecit. Drejtuesi i mjetit dhe dy pasagjerët u larguan nga vendi i ngjarjes. Vetëm një ditë më pas policia ka arritur të vërë në pranga drejtuesin e mjetit, 40 vjecarin me iniciale E.S. Sakaq janë shpallur në kërkim një vajzë dhe një djalë që kanë qenë pasagjerë në mjetin VË që kreu aksidentin. Sipas policisë gjatë kontrollit të makinës në çantën 28 vjecares është gjetur një thikë.
Njoftimi i plotë i policisë
Në vijim të informacionit paraprak datë 18.04.2018, i cili bën fjalë për aksidentin me pasojë vdekjen e një shtetasi, u bë kapja dhe arrestimi në flagrancë i shtetasit: E.S, 40 vjeç, banues në Pogradec.
Si edhe u shpallën në kërkim shtetasi K.M, 28 vjeç, banues në Ishull-Shëngjin, Lezhë dhe shtetasja O.Ç, 25 vjeçe, banuese në fshatin Gurras. Pasi në unazën e qytetit të Pogradecit, shtetasi K.M, duke drejtuar mjetin tip “Volkswagen Polo” ka aksidentuar me pasojë vdekje shtetasin J.S, 83 vjeç, banues në Pogradec, këmbësor në rrugë.
Pasagjerë në këtë mjet kanë qenë shtetasi E.S dhe shtetasja O.Ç, 25 vjeçe cilët nuk kanë kallëzuar krimin. Gjatë kontrollit të mjetit të lartpërmendur, në sediljen e pasme të tij u gjet çanta personale e kësaj shtetaseje, brenda së cilës kishte një thikë të cilën kjo e fundit e posedonte pa lejen e organeve përkatëse. Nga ana e Policisë po punohet për kapjen e tyre dhe sqarimin e rrethanave të ngjarjes.
Materialet i kaluan Prokurorisë së Rrethit Gjyqësor Pogradec për veprat penale “Shkelja e rregullave të qarkullimit rrugor”, “Largimi nga vendi i aksidentit”, “Moskallëzimi i krimit”, “Prodhimi dhe mbajtja pa leje e armëve të ftohta” parashikuar nga nenet 290, 273, 300 dhe 279 të Kodit Penal.
