Policia e Fierit ka arrestuar drejtuesin e mjetit i cili aksidentoi me pasojë vdekjen, një shtetas në qytetin e Ballshit dy muaj më parë.
Nga burimet bëhet e ditur se është arrestuar shtetasi G.M, i cili ishte shpallur në kërkim pasi më datë 22 maj 2019, aksidentoi duke e lënë të vdekur shtetasin I.M dhe pastaj u largua nga vendi i ngjarjes.
I arrestuari është 27 vjeç dhe banues në qytetin e Ballshit. Ndaj tij është vendosur masa “Arrest me burg” nga Gjykata e Shkallës së Parë Fier.
Veprat penale që rëndojnë mbi 27-vjeçarin janë “shkelje e rregullave të qarkullimit rrugor”, “drejtimi i automjetit në mënyrë të parregullt” dhe “largim nga vendi i aksidentit”. /Opinion.al
