Policia ka arrestuar një 32-vjeçar, pasi një ditë më parë ka përplasur me makinën e tij një grua, e cila humbi jetën.
Ngjarja ka ndodhur mbrëmjen e djeshme rreth orës 22:10, në Bulevardin Blu në Kamëz. Mësohet se në momentin e aksidentit, gruaja ishte duke udhëtuar me biçikletë.
Ndërsa, bëhet me dije se viktima e këtij aksidenti ende nuk është identifikuar. Ndërkohë, mbi 32-vjeçarin rëndon akuza “Shkelja e rregullave të qarkullimit rrugor” .
Njoftimi i policisë
Tiranë
Nga specialistët e qarkullimit rrugor në Komisariatin e Policisë Rrugore u bë arrestimi në flagrancë i shtetasit: Z. B. (M).,32 vjeç, banues në Kamëz.
Arrestimi i tij u bë pasi më datën 01.01.2020, rreth orës 22:10, në Bulevardin Blu në Kamëz, duke drejtuar automjetin tip “Fiat” ka aksidentuar një çikliste rreth 40 vjeçe, ende e paidentifikuar, e cila prej dëmtimeve të marra ka ndërruar jetë.
Materialet i kaluan Prokurorisë se Rrethit Gjyqësor Tiranë, për veprën penale “Shkelja e rregullave të qarkullimit rrugor” ./ Opinion.al
