Policia e Tiranës arrestoi sot 21-vjeçarin që aksidentoi dy persona në trotuarin pranë Kryeministrisë.
I riu, Jorgaq Thëngjilli drejtonte automjetin tip “Mercedez Benz” me shpejtësi tejet normave të lejuara.
Mësohet se i riu është ndëshkuar edhe më herët nga efektivët, për mosrregullim shpejtësie në qendrat e banuara.
Ashtu siç shihet edhe në sistemin e raportimeve të gjobave, Thëngjilli rezulton të jetë ndëshkuar deri në 20 herë si shkelës i rregullave të qarkullimit rrugor.
Kujtojmë se si pasojë e aksidentit mbetën të plagosur dy persona të cilët u dërguan për të marrë ndihmën e parë në spital.
Sipas autoriteteve i riu i është nënshtruar testeve përkatëse dhe ka rezultuar se nuk kishte qenë nën efektin e alkoolit apo lëndëve narkotike./Opinion.al
