Një furgon që transportonte nxënës shkolle në Laprakë është përfshirë mesditën e sotme në një aksident. Fatmirësisht nga përplasja e furgonin me një autobus linje është pa pasoja. Pra nuk ka fëmijë të plagosur. Sipas policisë, ata i ka shpëtuar rripi i sigurimit.
Më poshtë njoftimi i plotë i policisë së Tiranës
Më datë 19.01.2017, rreth orës 13:20, në rrugën “Dritan Hoxha”, është përplasur një fugon më nxënës shkolle, me drejtues shtetasin A. K., me autobuzin e linjës urbane Tiranë – Kamëz, me drejtues shtetasin A. Z.
Si pasojë e kësaj përplasje ka patur vetëm dëme materiale dhe nuk ka dëme në njerëz.
Përdorimi i rripit të sigurimit nga fëmijët në mjet ka sjellë shmangien e ndonjë pasojë në këtë përplasje.
Nga hetimet paraprake dyshohet se drejtuesi i furgonit ka bërë një ndryshim korsie pa bërë kujdes për fluksin e lëvizjes e për pasojë ka sjellë përplasjen.
