Një aksident i rëndë është regjistruar në rrugën e Rinasit, ku ambulanca e spitalit të Krujës është përplasur me një tjetër mjet e për pasoje ka humbur jetën pacientja 42- vjeçare që ndodhej në ambulancë si dhe janë plagosur dhe ndodhen në gjendje të rëndë për jetën dhe 3 persona të tjerë, një nga të cilët infermieri që shoqëronte pacienten.
Tiranë/ Informacion paraprak
Me datë 27.11.2021, rreth orës 23:50, në rrugën e “Rinasit”, janë përfshirë në aksident mjeti me drejtues shtetasin A. A., me mjetin e ambulancës të spitalit të Krujës.
Si pasojë e përplasjes, ka humbur jetën në vendngjarje pacientja që ndodhej në ambulancë, shtetasja A. B., 42 vjeçe.
Gjithashtu janë dëmtuar dhe ndodhen në spital në gjendje të rëndë për jetën shtetasit A. B., 30 vjeç (infermieri i ambulancës), M. B., 32 vjeçe, të cilët ndodheshin në ambulancë, dhe shtetasi Y. G., 22 vjeç, pasagjer i mjetit tjetër.
Grupi hetimor ndodhet në vendngjarje dhe po punon për sqarimin e rrethanave të aksidentit.
