Kivanc Tatlitug i ka shpëtuar mrekullisht një aksidenti, që për pak i ka kushtuar jetën.
Mediat turke shkruajnë se pak ditë më parë, në ‘Turgutreis Marina’, ndërsa ka qenë duke hedhur disa bagazhe në anijen e një miku të tij, Tatlitug ka humbur ekuilibrin dhe ka rënë vetëm në një metër distancë nga helika e motorit të anijes së bashku me kapitetin.
I zënë në panik, Tatlitug ka notuar shumë shpejt duke i shpëtuar mrekullisht rrezikut. Pavarësisht incidentit, tashmë Tatlitug dhe bashkëshortja e tij, Basak Dizer, i kanë mbyllur pushimet disajavore mbi anije.
Pasi u kthyen në Stamboll, çifti u fotografuan duke bërë shopping. Duart nuk ia lëshuan për asnjë moment njëri-tjetrit, por nuk nguruan as t’u përgjigjen pyetjeve të gazetarëve. I pyetur nëse do të bëhen prindër, aktori u përgjigj:
“Sigurisht që e duam… pse u martuam? Qëllimi është të kemi fëmijë.” Ndërsa duke shpjeguar projektin e ri të Hollywood-it për të cilin po përflitet në mediat turke, Tatlitug tha se në muajin janar do të fillojë xhirimet për një film në të cilin ai do të luajë një karakter mjaft interesant.
Ju kujtojmë që Kivanc Tatlitung e ka bërë të ditur me gojën e tij, se është me prejardhje shqiptare, më saktë nga Prishtina.
